XX. mendeko Euskararen Corpus estatistikoa

Testuingurua

HITZAREN barnetik
eman nahi izan dio poetak
haltzari bihotza.

Dehadarraren muinetik
gizonarekiko maitasunez
erditu da.

Oinazearen iturburutik
esperantzaz jantziriko haizea
hegarazi nahi izan du.

Bertsoaren begietatik,
ezpataz, eman nahi izan dio
haitzurlariari lurra.

Herri batenganako maitemina
mila bidetatik joaten baita.

Salba dezagun ala kondena,
zelai zabaleko gurutzetan
guztiok elkartuko gara.